FESTA DLA LIES A URTIJËI

0

Uniun de nëus ie Urtijëi

Coche uni ann à l’aministrazion de Chemun ulù nvië per l ultimo dl ann te sala de Cunsëi i reprejentanc dla lies. Plu che de na festa se tratel de n at de recunescënza. Chël che massa suvënz semea “logich”, penson a duc i servijes de ulentariat, ie ala fin di conc sacrifizies di zitadins, che dà ca ëures y ëures per la cumenanza.

Paië duta l’ëures de ulentariat ne fossa mei mesun, perchël iel da prijé che te na sozietà for plu baseda sun l truep y sun l avané dl davani, iel te nosc pitl chemun y te nosta valeda mo n tel gran ideal.

Dai destudafuech ai cores y ala mujighes, dala lies sozieles a chëles dal sport, zënza desmincé chëi che sustën la cultura y l svilup. L ie na tëila de arani che fej nce sentì i zitadins mo plu pert de si chemun, na sort de ididentità che se respiedlea tl nteres desvalif che uniun à te si ndividualità. L ie povester leprò nce na simbiosa danter l dé y giapé de reviers na gratificazion emotiva.

Suvënz auden dijan da chiche fej ulentariat: “L tleca n – de gra-“.

N mumënt, la festa dla lies, ulache l Chemun danter zeche da pesslé, na ciaculeda y na viva, à perchël ulù rengrazië duc chëi che ti pieta a si cunzitadins, tres i servijes che i fej pra la lies, nce na miëura cualità de vita.

N bon 2019 a duc!

About Author

Comments are closed.

Zur Werkzeugleiste springen